ديوان الشاعر : تركي بن نايض بن جويبر الحربي

خاسر الطامع ولا يلقى مــراده = قدمه الموت الاحمررحب وهلا
وعــذابه يــوم دفتــه الــقـراده = بـاع نـفسه للــخطر لا والـله الا
قدمه رجـالٍ بها عـزم وجـلاده = الـــوطن تفداه دونــه ماتـــخلا
الشجاعه والحماس وخير قـاده = ومـعنــويه عــانقة نــجمٍ تــعـلا
البواسل موت من زايـد عنـاده = يلطمون اللي عــن حدوده يــزلا
جيش متكامل ولايبـغى زيــاده = اشـــهد انـه درع وحســامٍ يسـلا
زلزل العدوان من قوة عتـاده = الــعدو قـــلبه من الـرهبه تملا
حامي الحد الجـنوبي بحتـشاده = عــز دولــه مـسلمٍ كبر وصـلا
الجبل دخان من فـوقه ســواده = مــن تـــلوا فـيه عن دنياه ولاّّ
انهزم حوثي بعد شاف النكاده = انحــشرمــابــين خـــوبه والمكلا
ورطه من يدعمه خاين بـلاده = وانـكب نـكبه مــن الــحد المطلا
المخازن دمرت راحت رماده = وانقطع تمـــويل حـاقد فيه غــلا
من نوى بالشر يلزمنا جــهاده = يـتراجع غصب وعــيونه تــحلا
نرخص الارواح لديارالـعباده = بســـم ربــي نـــتكل عــزا وجلا
نصر لاغيرالنصرولاالشهاده = مـوت عـــز ولامـمـات فــيه ذلا

[imgl]

انصحك ياللـي تشـكي الـحال لناس= خسران من يشـكي علـى الــناس حــاله
محـدٍ بــداري عنك لوقلت مـحتاس= مــن طــــاح مـــن بــلواه مـحدٍ عـــدالــه
لاتشرح ظروفـك علـى كل هـلاس= اللــــي عـــــن الازم ســــريـــع ٍ زوالـــه
لوقال في وجهك عسى مايجي باس= لــو كــان تصــفق فــي يمـيـنه شـمالـه
منته محصل منه ياغير الافــلاس = مـــا يـنـفــعــك بــــرق ٍ خفــــيفٍ خــياله
لاصارفـي قلـبك مــن الوقـت هوجـاس = اصـبر مـــادام الـوقـت شـاين اقبـالـه
وشكـواك ياشـاكي علـى رب الاجنـاس = عـــون العــباد الــيا بغيــت السهـاله

يامحـــلا الــدلــه لــيا بـــان مــابـــان= ياطـــيبها طيباه وقــت الـمـغابيش
لاعج ريح ابهارها يجلا الاحزان = وينــادي الطـرقي بعــيد الـمطاريش
امحكــمه تحكيــم مــن بــال نشطــان= مــاحافـها راع الــيدين الــمرابـيش
ايحوفها اللي يرغب الكــيف فـنان = يــطرب لها لاصـار فالجوء تشويش
تبعد هواجيس لها القلب مسكان = اللــي تــداحم بــه سوات المعاطيش
فنجالها يجلا ونس كل ضرمان = يرفع مزاج وينعش البال تنعيش
يبعـــدك عــن جو به الــيوم يافلان = يحتار به راع العقل قوللي ويش
كيف القرايب راحو اليوم عدوان = وصار اللحم بين القرايب عراميش
صار الردى من بين الادنين عنوان = الطيب ضاع ولحق ركابة الجيش
بان الجفا والبغض شوفٍ بالاعيـان= والناس صارت من بعضها مواحيش
والحــسد وعــلوم لــها اشـكال والوان = منــها يـــحرك للمــشاكل نــواتــيش
الــناس خفــت واصبحت مـالها اوزان =قــام الــهوى يلــعبها كـنـها الـريش
اتجيك مـنـدفعه علــى غـير بــرهــان = ابليــس يسقيها وتــا هت مــن الـطيش
عــزي لمن بـاع الثميــنه بخسران = مـــأيــنفــعونـــه دافــــعين الـبخاشيش

هذه القصيده عندما اقامت قبيلة الدبيايين من بني جابر حفل بمناسبة تعيين الشيخ محمد بن مساعد البحيثي شيخً لشمل قبيلة بني جابر من حرب بعد وفاة والده رحمه الله

ابدي بـذكـر الله رب المصـلـين = الخالـق الـــرزاق راع الــجزايـل
الـوالـي العـالي حكيم الحـكيمـين = بامره يهل مـن السحـايب همـايل
يوم اربعاء موافق ثلاثـه وعـشرين = من شـهرذا القـعده نزف المثـايـل
يامرحـبا يـامـرحبــا بـالحـشيمين = يامرحبا تــرحيب وافي خصــايل
ترحيب احلى من رحـيق الـبساتين = واصــفى بلونه من بروق المخايل
واغـلا من كنوز الذهب والملايين = يضفي على اللي حاضرمن القبايل
احضوركـم يــاربعنــا يامــسمين = عـــيد مــن الاعــياد ياهـل الحمايل
الصف واحدلاحــشى مـاهــواثنين = روح التـــكاتف عــزوشـك زايـل
يــالاد عيــسى لـوكتــبنا دواوين = لو يكـتب الشــاعر بشتـى الـوسايل
قليل فيكــم يـاالرجال السلاطيـن = ياهـل الوفاء ومـعدلــة كـل مــايل
كـسابة الـعلياء كعـام المعادين = تشهد لــكم كـل الــعرب بالـفعايل
ابطيبكم تـرجح جميع الـموازين = تـاريخـكم حـاوي خيــار الــدلايـل
ولاننقص حقـوق القبــايل ووافين = كلـن واخـذ قسمه ولطيب طايـل
وهــذا محـمد نــعم والله ونعمين = لشــمل شيـــخ ونـايل الطيــب نايل
رجال كـفو ومـن رجـال نقــيين = يمشي على نــهج الـجدود الاوايــل
عساالسعدقدمك ياطلق الحجاجين = واهـل الحـسد تلبس ثـياب الفشايل
يقولها شـاعـر وربعه دبــايـيـن = اللـي لـهم تــاريـخ مــاهو بــزايل
تـرحيـبهم بالـقوم خـير الـبراهين = وغصب المطيري ناطق الحق قايل
وايشوش راسي وفتخربالشجيعين = عـــز الـرفـيق وشــرلاعــال عـايـل
وعلى النبي صلو خيـار النبـيـين = شـفيـع الامـه يـوم وقـت الهـوايـــل

هذي قصيده تعبر عن مايحدث في المجتمع ومايعاني منه الكثير فالوقت الحالي

يامحـلا الدلـه ليـا بـان مابـان = ياطيـــــبها طيبـاه وقـــت المغـــــابيـش
لاعج ريح ابهارها يجلا الاحـزان = وينادي الطـــرقي بعيـد المطاريـش
امحكمه تحكيم مـن بـال نشطـان = ماحـــافهـا راع اليديـن المــــرابيـش
ايحوفها اللي يرغب الكيـف فنـان = يطرب لها لاصار فالجوء تشويـش
تبعد هواجيسٍ لها القلـب مسكـان = اللي تـداحم به سـوات المعاطيـش
فنجالها يجلا ونس كـل ضرمـان = يـرفع مزاج وينعــش البـال تنعيــــش
يبعدك عن جو ٍبـه اليـوم يافـلان = يحتار به راع العقل قوللـي ويـش
كيف القرايب راحو اليوم عـدوان = وصار اللحم بين القرايب عراميش
صار الردى من بين الادنين عنوان = الطيب ضاع ولحق ركابةالجيـش
بان الجفا والبغض شوفٍ بالاعيـان=والناس صارت من بعضهامواحيش
والحسد وعلوم لها اشكال والـوان = مــنهـا يحـــــرك للمشـــاكـل نواتيـش
الناس خفت واصبحت مالها اوزان = قــــام الهــــوى يلعبهـاكنهــــاالريـش
اتجيك مندفعه على غيـر برهـان = ابليس يسقيها وتا هت من الطيـش
عزي لمــن باع الثمينـه بخسـران = ماينفعــــونـه دافـــــعيـن البخــــاشـيـش

هذه القصيدة قالها شاعرنا في حفل تنصيب الشيخ محمد بن مساعد شيخاً لشمل قبائل بني جابر

.
.
.

دوب اســـــتوى لشــعر صـدق التعابيـر=وقــــامت بـــيوته تـعتزي فـي لـحـنها
يـــستنزف الــطاقات مـــن دون تـاخيـر=والــــغاليه مـــن بــــحرها يـحتضنهـا
تــــلاقح افــكــاره ومــنــتوجـهـــا غـير=اصــل الــجزالــه مــصدر الطيب منها
قــــدمه تـداحـم فــارقــه بــالتـصـاوير=وضــحً تــــلاهـــق غـــاليه في ثـمـنها
يـســـوقها اللــــي مــعه حكـمه وتـدبير=يــــطــوع الصـــعبه وتتـــبع رســـنها
عنــــد الــمواقـف مــــاتصـح المـعـاذير=صــدق الــثمينه خــــاسر اللي ركنها
يــــامــرحـبا بـــسم الـرجـال الـمنـاعير=اللــي لهـــا تــاريــخ يــشــهـد زمــنها
تـــرحيــب غالــي فــيه حشمه وتــقدير=يــــضفي ويـــقـرن شـامها مع يـمنها
يــضفي مثــل غـــر الـمزون الـمزابـير=اللــي تـــلوح بــــروقـــها فــي قــننها
فــــيه المـحبه والمــشاعر مـقــاطـير=أصــدق مـن دموع الغريـب لــوطـــنها
لـــــيله عــــظيــمه والــملامح تــباشير=ليـــله وكــن الــشمس كــامل بــدنها
الـــــجمع مــبهج سوره الــعز والخير=بــــث الـفـرح جـوف الـقـلوب وقطنها
حضورالشيوخ اهل الـفعول المصاطير=لـــه هيــــبته واهــل الضغاين غبنها
تــــشريفـكم يـاروس حـــرب المغاوير=أسمـى المعــاني مـع بعـــضها قـــرنها
الـــشعر ياقــف قــدمكم غصب ويحيـر=وليــــا بــدا فـــي مــدحـكم مالـه انـها
شيــــخٍ دعــــــاكم مــاتــجيه الـعواثيـر=يســـــلم وقـــدام الـــــجميـع اعلـــنها
اشــــهد شـــهاده مـا يـهاب المخاسير=عـــند الـــــوازم قــــدرتـــه مــاخزنها
لـــه هـــيبته شــامخ جــبل كــنه الـنير=حــــربٍ تفــاخربــه وكـاسـب رهــنها
وربـــعه بنــي جـــابــر سيوفٍ بواتير=مــــنها الـــــعدا تــكـسر ويــكثر طعنـها
وقـــفــــاتهم تـــحتــار فيــها الــتفاكير=تـــجلى عــن الـنـفس الحزينه حزنـها
ولي الفخر في حرب حرب المشاهيـر=يــاكــثر مــــاقالــو مـن الطيب عنـهـا
أهــــل ا لـــكرم ومـــفرقين الـطوابـير=لاثـــارت الـــهـيــجا وثـــور دخـــنهــا
عــز الــخوي والجار دون المظاهـير=تــــثــنـي وتـــامــر مــن طناخه وتنهـا
هــــم عـون لـــلي غــربلته الــمقادير=ومــــلجا الــدخيل وفزعة اللي زبـنها
والضيــف لــه قــيمه وله زود توقير=لـــه حشــمته واعلـى المنازل سكنـها
يثنـــى لـــه الـــترحيب قــدم المباهير=وبيــض الصـــياني فـــوقها مـاشحنها
سلـــوم نـــتوارثها مـن كبير لصغيـر=لنــــا الشـــرف مـــهنـة فــخر نمتهنها
تاريـــخنا حـــاوي لــلامـجاد ومـنـير=ونـــــعـم القــــبايــل مـــجدنــا مــادفنها
وصــــلاة ربــــي عـد نبت النواويـر=وعــــداد مـــن صـــاغ البــــيوت وزنها

لاتبـــتسم في وجـــــه من لايودك=ولا تــعقد احجاجك على مبتسم لك
واللي علــى عـــلوم الخطايا يحدك=هــذاك عــن شمس الدهر مايظلك
ولاكـــــل رجلٍ بـا لوازم يــــسدك=لـو كنــت سيـــفٍ في لزومه يسلك
ولاتطــــرد المقفي وينباح ســـدك=خــلك عـــزيز ومــن صفالك يجلك
والـــلي عمـاه البغـض يكفيه صدك=بـكره لاتــــاه بــــغربته مــــايدلك
وياكثر خلان الـــرخاء يــوم عــدك=عالم ترحـــب فيك وانت بمــحلك
يضــــيق منـــهم كل ماشفت حــدك=ماتخاف من جيش الـعدو يستحلك
لوحيت صدق علومـهم مــــحد قدك=بس البلا وقت القــسا مثل ظـــلك
الــــتجربه بـاسرار نـــاسٍ تـــمدك=تـــكشــف خـــفايا عـــالــمٍ تستغلك
تعرف رفيقك لاشهب الوقت ضدك=وفالطيب محـروم الـردي مـاتملك

تاه الشعر دربه وضيع طبوعه =حدوه عميان البصاير على الجال
راح القصيد اللي ثمينه اوقوعه= اللي سوات السيل ينفع ليا سال
كلام ينبت والثمر في جذوعه= ويلقى عن الشمس المويقه به ظلال
يملا نحر يغني نفوسٍ قنوعه=يروي ضمايا و يتسند به رجال
نافع بمضمونه وتكفي نزوعه= ويحل دعوى للمباهيم حلال
اساس علم وله معاني قطوعه=سيفٍ وله حدين بقفاي وقبال
يجمع مابين وبين يوقد شموعه= ويشحن صدورٍ حاسده مالها فال
ضمه خبيرٍ ماجهل في سنوعه=رافعه بالقمه على عز وجلال
النور يفرحنا لاشفنا طلوعه= يفضح ظلامٍ ساتر وجيه الانذال
لو الشعر يمشي بكيفه وطوعه=ماطاوع اللي ماتجزل ليا قال
جامل بشر هم السبب في رجوعه= من عقب ماهو كان في حشمة ابطال
اصبح يخمه خم من زاد جوعه= فقير ماله مع اهل العرف مثقال
بيت الزلامي بس لحقت ضلوعه=الرجل يسحبها وياساتر الحال
روح وانا اشوفه تزايد وجوعه =وياعزتيله كل مامرت اجيال
ياهل الشعر تكفون لايزيد روعه =كرامته ياقوم عن نقص واهمال